1-القدوة الحسنة
التربية مش تعليمات و ارشادات بقدر ماهي قدوة و افعال
لو ابنك بيكدب يبقي اكيد انت بتكدب قدامه
لو ابنك جبان يبقي بيشوفك ضعيف و بتفرط في حقوقك
لو طلع صاحب موقف و رأي بقي طلع لقي ابوه صاحب موقف و رأي و مش مطاطي
2-احترم رأيه
علم ابنك من صغره يكون له رأي و احترمه..كلمه خد رأيه فضفض معاه حتي لو لسة صغير و مش فاهم .......هو اكيد هيحس بيك و بمكانته جواك ..
انت بده بتعمله شخصية من صغره و بتخليه يشعر بدعمك ليه
3- قويه
علمه يحافظ علي حقوقه لما يلاقيك انت مش بتفرط فيها. لو حد اعتدي عليه او ظلمه خليك في ضهره و اوعي تعمل مشغول او مش فاضي.اعمل الي عليك و خليك معاه للاخر
و بلاش تعلمه يمشي جنب الحيط عشان هايجي يوم الحيط هايقع عليه و محدش هايحس بيه
4- اسنده
مهما حصل لازم تكون جنبه في اوقات فرحه و نجاحه و اهم لحظات حياته
اوعي تخليه يدور علي بديل ليك وتبقي انت بالنسبة له مجرد بنك و مصدر فلوس فقط
5-احذر القمارنة
اوعي تقارنه بحد .ياريتك زي اخوك الكبير.ياريتك زي ابن فلان.عشان بدل ما هايقدله هايكره و يكره روحه
مش شرط عشان ابنك عشام ماطلعش من الاوائل يبقي فاشل و تقوم مهزقه و تهينه.
يكفي انك تحس انه تعب و عمل الي عليه بجد
شجعه و حفزه و طبطب عليه لانه اكيد المرة الجاية هينجح
6- بلاش تكسره
اوعي تربيه بالقسوة و الضرب و الاهانة عشان مايطلعش منطوي و فاقد الثقة في نفسه و في الي حواليه ....العصايا عمرها ما بتخلق راجل
7- خده صاحب ليك
قرب منه و صاحبه و اقضي معاه اكبر وقت ممكن و اوعي تحرمه منك بحجة الشغل و الجري علي لقمة العيش و تحقيق طموحاتك واخلق بينك و بينه مواقف مشتركة تسعده بقربك
8-خليه يحب وجودك
خلي وجودك في البيت يكون باعث للفرح ليه مش لحظات نكد و رعب
ماتخليهوش يتمني لحظة الحرية انها تكون في غيابك
9- المسئولية
علمه المسؤولية من صغره و بلاش تطلعه اناني و تقولس لسة بدري عليه و اديله بعض مسؤوليات في البيت و اسمع رأيه عشان لما يكبر يبقي واقف علي رجليه مش مهزوز
10-طول بالك عليه
ابنك ليس خصما ولا ندا لك .. فلا داعي ان تفسر كل تصرفاته بالتحدي والندية .. إنه فقط يبحث عن لحظة تفهمه فيها وتستمع اليه كإنسان له كيان وليس منضدة او كرسيا في البيت !
قد يخطئ في اختيار ألفاظه او اُسلوب تعبيره عما يريد او ما لا يريد.. تحمله فإنه لا زال يتعلم .. إنه لا زال محتاج إليك
