زريف الطول كان نجار ..وغريب عن القرية ..كان اسمه فلسطيني ..بس طوله كان سبب اسمه ... خلوق ما برفع عينه في امرأه ...وكان أبو حسن يعطيه أجره كل أسبوع ..وما كان يعرف وين بروح فيه ...بنات القرية بغزلوا حواليه وهو ولا هوه هون ..مرت المختار فصلت نمليه ..مشان تلفت نظره لبنتها...وام خليل مرت خطيب القرية فصلت عندوه صندوق (اواعي) وحكتلو عن بنتها ..حتى الخطيب ..في خطبة الجمعة لمح للموضوع بس ما في فأيده...زريف الطول مش تبع نسوان.....في يوم هجموا قطعان اليهود على القرية .
واستشهد 3 شباب ...ثاني يوم غاب زريف الطول ..ورجع بعد 4 أيام ..رجع بالليل ..ما حدا شافوا ...بعد شهر رجعت قطعان اليهود ...كان زريف الطول مشتري ..5 بواريد...وزعهن على شجعان القرية ..قتلوا 6 يهود ...ثاني يوم القرية قامت وقعدت..النسوان باع ذهبن..مشان الشباب تشتري بواريد ..وصاروا يغنوا..يا عربي يا ابن المقروده بيع أمك واشتري بارودة ..رجعت القطعان تؤخذ بالثأر ...وحصلت معركه مثلها ما صار..هرعوا الناس كبار صغار ..وفي كروم التفاح .ريح الثورة نسم وفاح...استشهد شباب كثير ..بس خسائر القطعان أكثر ...جمعوا الشهداء ..زريف الطول مش معهم ..وزريف الطول مش مع اللي بقوا ...بس الكل حلف يمين انو شاف زريف الطول قتل أكثر من 20 يهودي ..وكان يطخ ببارودتين..وهو اللي سحب عمار وجهاد أولاد الأرملة من ساحة المعركة وهم جرحى والرصاص زي زخ المطر فوق رأسه ...طول الليل القرية دورت بالمشاعل على زريف الطول ..ما بين الو أثر ...ومرت الأيام ..وصار زريف الطول اغنية القرية ...
يا زريف الطول وين رايح تروح بقلب بلادنا تعبقت الجروح
يا زريف الطول وقف تاقولك رايح عالغربه وفلسطين احسنلك..
بعدها بخمس سنين إبراهيم الحلاق حلف يمين انو شاف زريف الطول مع عز الدين القسام في احراش يعبد ..وجهاد ابن الأرملة بقول شافوا مع الحنيطي بدرب الثوار بيافا..اكيد مهو مش غشيم عنو ...وكثير ناس حلفت انو كان ببورسعيد مع جول جمال ..وعلى الوصف ناس شافوه بالكرامة على نهر الأردن بفجر دبابة بعد ما قطعت النهر ...وكان بسوق الغرب في اجتياح بيروت ...بس آخر مره شافوه..كان بغزه..طلع للقطعان من نفق ..رمى صليت صواريخ على تل أبيب ورجع على الخندق ....
زريف الطول كل مقاوم وكل ايد قابضه على السلاح وسبابتها على الزناد ...
بعرف ..في سؤال ؟؟؟هو زريف الطول ما بموت ...
ليش هو الفلسطيني بموت !!!!
إعلان منتصف المقال